بانی پی ٹی آئی کے لیے امریکیوں کے پیٹ میں مروڑ اٹھ رہے ہیں،راناتنویر

مریدکے (نامہ نگار ) وفاقی وزیر صنعت و پیداوار رانا تنویر حسین نے کہا کہ پاکستان کے کئی سیاسی لیڈر جیل میں رہے مگر بانی پی ٹی آئی کے لیے امریکیوں کے پیٹ میں مروڑ اٹھ رہے ہیں اور انہیں جیل میں سہولتیں فراہم کرنے کیلئے کوشاں ہیں، عمران خان نے ہی دہشت گردوں کو واپس بلایا،ہزاروں جوانوں کی قربانیوں کو ضائع کیا۔مریدکے میں ایک تقریب سے خطاب کرتے ہوئے رانا تنویر حسین نے کہا کہ جب بھی پاکستان ترقی کی راہ پر گامزن ہوتا ہے ملک دشمن قوتیں فوری حرکت میں آ جا تی ہیں۔