ڈاکٹر آصف کرمانی کا ن لیگ سے علیحدگی کا اعلان

اسلام آباد (خصوصی نامہ نگار) مسلم لیگ (ن) کے سابق سینیٹر ڈاکٹر آصف کرمانی نے مسلم لیگ (ن) سے باقاعدہ علیحدگی کا اعلان کر دیا۔ لاہور سے جاری بیان کے مطابق ڈاکٹر کرمانی کا کہنا ہے کہ کافی عرصہ سے خود کو (ن) لیگ کے سیاسی معاملات سے علیحدہ کر چکا تھا۔ عوام مہنگائی اور بجلی کے بلوں سے مر رہی ہے مگر خوشامدی ٹولہ سب اچھا کی گردان کر رہا ہے۔ نواز شریف کے سابق پولیٹیکل سیکرٹری نے (ن) لیگ کے سربراہ کو مخاطب کرتے ہوئے کہا کہ نواز شریف صاحب سب اچھا نہیں ہے! تفصیلی بیان جلد جاری کروں گا۔