کراچی (اسٹاف رپورٹر) کورونا وائرس کی نئی قسم سامنے آنے اور جنوبی افریقا کے لئے فلائٹ آپریشن کی بندش کی وجہ سے پاکستانی کرکٹ ٹیم کے بولنگ کنسلٹنٹ ورنن فلینڈر چٹاگانگ ٹیسٹ ادھورا چھوڑ کر دو دن پہلے وطن واپس روانہ ہورہے ہیں۔ پی سی بی کا کہنا ہے کہ ورنن فلینڈر پیر اسکواڈ سے علیحدہ ہوجائیں گے۔ وہ پیر اور منگل کی درمیانی شب بنگلہ دیش کے شہر ڈھاکا سے جنوبی افریقا روانہ ہوں گے۔ قبل ازیں انہیں پہلے ٹیسٹ کے بعد یکم دسمبر کو ڈھاکاسے کیپ ٹاؤن روانہ ہونا تھا۔ دوسری جانب پاکستانی ٹیم دوسرا ٹیسٹ کھیل کر ڈھاکا سے کراچی پہنچے گی جہاں ویسٹ انڈیز کی سیریز کا آغاز 13 دسمبر سے ہوگا۔ امکان ہے کہ ہیڈ کوچ ثقلین مشتا ق اور دیگر سپورٹ اسٹاف ویسٹ انڈیز کی سیریز میں بھی خدمات انجام دے گا۔ ویسٹ انڈیز کے خلاف ہوم سیریز میں بھی پاکستان ٹیم کا عارضی کوچنگ سیٹ اپ ہو گا ۔ بیٹنگ اور بولنگ کے عارضی کوچز کی تعیناتی کی جائے گی ۔ قومی ہائی پرفارمنس سنٹر کے بیٹنگ کوچ محمد یوسف کو بھی عبوری مدت کے لئے بیٹنگ کوچ بنانے کی تجویز ہے۔ نیشنل ہائی پرفارمنس میں بولنگ کوچ کا عہدہ خالی ہے ۔ سابق فاسٹ بولر عمر گل کو وقتی طور پر قومی ٹیم کے ساتھ بولنگ کوچ کی ذمےداریاں دی جا سکتی ہیں۔ ویسٹ انڈیز کی ٹیم وائٹ بال سیریز کے لئے 9 دسمبر کو کراچی پہنچے گی ۔سیریز میں تین ٹی ٹوئنٹی اور تین ون ڈے میچز شامل ہیں ۔ پاکستان ٹیم کے مستقل کوچز کے لئے پاکستان کرکٹ بورڈ جلد اشتہار دے گا۔ پی ایس ایل کے دوران کوچنگ کی تقرری کا پراسس مکمل کرکے آسٹریلیا کی ہوم سیریز سے مستقل کوچز لگائے جائیں گے۔ پی سی بی ہیڈ کوچ،بیٹنگ اور بولنگ کوچز کے عہدے مشتہر کرے گا۔
سکھر انٹرنیشنل فوڈ چین ہوٹل پر مشتعل افراد کا حملہ،تھانہ آباد میں سرکار کی مدعیت میں دہشتگردی ایکٹ کے تحت...
شہدادپور تعلقہ شہدادپور کے پولیس تھانے سرہاڑی کے گوٹھ عبداللطیف اُنڑ میں مکان کی دیوار گرنے سے باہر کھیلتے...
پڈعیدن پڈعیدن سمیت ضلع نوشہروفیروز کے مختلف شہروں اور گردو نواح میں آندھی کے بعد گرج چمک کے ساتھ بارش شروع...
حیدرآباد ٹرین میں خاتون پر ہاتھ اٹھانے کا معاملہ،سوشل میڈیا رپورٹس پر آئی جی ریلویز نے حیدرآبادریلوے...
میہڑ دادو میں مسلسل 3ماہ تک ڈیوٹیوں سے غائب رہنے والے 2ہیڈ کانسٹیبل سمیت 7پولیس اہلکار ملازمت سے ہاتھ دھو...
جیکب آباد جیکب آبادمیں عید کے دن بھی شہری محفوظ نہ رہے،رہزنی کی وارداتیں، مبینہ پولیس مقابلے میں دو ڈاکو...
سکھر سکھر، روہڑی سمیت گرد و نواح کے علاقوں میں ابر رحمت برسنے لگا، بارش سے گرمی کا زور ٹوٹ گیا، لوگوں نے سکون...
کراچی ہاکی میں نئی خشک ٹرف متعارف کرائی گئی ہے ۔ اس ٹرف پر پانی کی ضرورت نہیں ہوتی۔ جنوبی افریقا میں یہ ٹرف ایک...