عوام کسی کو ووٹ دیتے ہیں نتیجہ کسی اور کے حق میں نکلتا ہے، حافظ نعیم

کراچی(این این آئی)امیر جماعت اسلامی پاکستان حافظ نعیم الرحمن نے کہا ہے کہ عوام کسی کو ووٹ دیتے ہیں نتیجہ کسی اور کے حق میں نکلتا ہے، ملک میں آئین کی بالادستی اور رول آف لا کا مسئلہ ہے، آئی پی پیز کے مسئلے پر اب آوازیں اٹھ رہی ہیں، 1984سے آئی پی پیز کے یہ معاہدے چلے آرہے ہیں،ہم آئی پی پیز کے معاہدے کو قبول نہیں کرتے وقت آگیا ہے لوگ اب گھروں سے انصاف کیلئے نکلیں یہ بجلی کے بل نہیں یہ ایٹم بم ہیں کسی صورت میں ظالمانہ ٹیرف قبول نہیں ہے ۔حافظ نعیم الرحمن نے کراچی بار ایسوسی ایشن سے خطاب کرتے ہوئے کہا کہ کراچی کے وکلا کی بڑی تاریخ ہے رول آف لا کے حوالے سے،یہاں اس بار ہم نے دیکھا فارم 47 کا استعمال کرکے ان لوگوں کو جتوایا گیا جنہیں کوئی جانتا بھی تھا۔جعلی طریقے سے یہاں ایم کیو ایم اور پیپلز پارٹی کو جتوایا گیا فارم سینتالیس کے جعلی مینڈیٹ کو نہیں مانتے ہم نے تحریک شروع کی ہے آپ لوگوں کو تحریک کا ساتھ دینا ہوگا ہم گلی گلی محلوں میں جائیں گے لوگوں تک پیغام پہنچائیں گے جماعت اسلامی ہی ان مشکلات سے ملک کو نکال سکتی ہے یہ ملک قدرتی وسائل سے مالا مال ہے مگر اشرافیہ کا عذاب مسلط ہے ۔