اسلام آباد ہائیکورٹ، لاپتا افراد کیسز کیلئے لارجر بنچ تشکیل

اسلام آباد (اے پی پی) اسلام آباد ہائیکورٹ نے لاپتا افراد کے کیسز سے متعلق جسٹس محسن اختر کیانی کی سربراہی میں تین رکنی لارجر بنچ تشکیل دیدیا۔ جسٹس طارق محمود جہانگیری اور جسٹس ارباب محمد طاہر بھی لارجر بنچ کا حصہ ہوں گے۔لارجر بنچ 30 جولائی سے لاپتہ افراد کے کیسز کی سماعت کرے گا۔شاعر احمد فرہاد کیس کے دوران جسٹس محسن اختر کیانی نے لاپتہ افراد کیسز کے لئے لارجر بنچ کی تشکیل دینے کا کہا تھا۔