قابل تجدید ذرائع سے زیادہ پیداوار بجلی کی قیمتوں کو منفی کر دیتی ہے

پیرس (اے ایف پی) سولر پینلز اور ونڈ ٹربائنز کے پھیلاؤ کے ساتھ غیر معمولی رجحان عام ہوتا جا رہا ہے کہ ان سے بجلی کی تھوک قیمتیں منفی ہو جاتی ہیں۔تاہم،کولمبس کنسلٹنگ میں توانائی کے تجزیہ کار نکولس گولڈ برگ نے کہا کہ منفی قیمتیں انتباہی سگنل ہیں کہ بجلی کے گرڈ پر بہت زیادہ پیداوار ہو رہی ہےاوربجلی کی اضافی پیداوار کو ذخیرہ کرنے کے لیے فی الحال آپشنز نہیں ہیں ،اس لیے پروڈیوسروں کو پیداوار کم کرنا ہوگی۔قابل تجدید ذرائع کی صنعت کے گروپ فرانس رینوویل ایبلز کے حکمت عملی کے ڈائریکٹر میٹیاس وینڈن بلک نے کہا کہ تیزی سے بڑھتا ہوا رجحان ہوا اور شمسی توانائی کے شعبے کے لیے انتہائی پریشانی کا باعث ہے۔