انسانی جان بچانے والی ادویات کی قیمتوں میں بے پناہ اضافہ

فیصل آباد (آئی این پی) فیصل آباد اور گردونواح میں دل کے علاوہ انسانی جان بچانے والی ادویات کیساتھ ساتھ انسولین کی قیمتوں میں بے پناہ اضافے کی وجہ سے مریضوں کی مالی مشکلات بڑھ گئی ہیں انسولین کی قیمتوں میں اضافے کے باعث شوگر کے مریض انسولین کے حصول کیلئے سرکاری اسپتالوں کے دھکے کھانے پر مجبور ہیں سرکاری اسپتالوں میں بھی انسولین ختم ہونے کی نوید سنائی جارہی ہے جن دکانوں یا میڈیکل اسٹور پر انسولین دستیاب ہے وہ من مانے ریٹ پر انسولین فروخت کررہے ہیں ڈرگ انسپکٹر صرف میڈیکل اسٹوروں اور عطائیوں سے منتھلی لینے اورٹھنڈے کمرے تک محدود ہے اکثر جان بچانے والی ادویات بھی بلیک میں فروخت کی جارہی ہیں بدقسمتی سے ڈاکٹر صاحبان بھی وہ ادویات مریضوں کو لکھ کر دیتے ہیں۔