عراق جاکر 50ہزارپاکستانی زائرین غائب ہو گئے، وفاقی وزیر مذہبی امور

اسلام آباد ( نیوز رپورٹر) وزارت مذہبی امور کی جانب سے سینٹ کی قائمہ کمیٹی برائے مذہبی امور و بین المذاہب ہم آہنگی کے اجلاس میں بتایا گیا ہے کہ 50 ہزار پاکستانی زائرین عراق میں جا کر غائب ہو گئے،ز ائر ین پا لیسی منظوری کیلئے وفاقی کا بینہ کو بھیج دی گئی ہے۔ یہ بات چیئرمین کمیٹی سینیٹر عطا الرحمن کی زیر صدارت پارلیمنٹ ہاؤس میں منعقد ہ اجلاس میں بتائی گئی ۔ قائمہ کمیٹی کے اجلاس میں وزارت مذہبی امور و بین المذاہب ہم آہنگی کے کام کے طریقہ کار، کارکردگی کے علاوہ حج 2024 کے لئے کیے گئے انتظامات، حجاج کرام کی جانب سے رہائش، ٹرانسپورٹ، خوراک اور صحت کے حوالے سے کی گئی شکایات اور وزارت کی جانب سے ان کے حل کے لئے اٹھائے گئے اقدامات کے کا تفصیل سے جائزہ لیا گیا۔