نیوزی لینڈ،ریاستی و مذہبی نگہداشت میں 2لاکھ افراد کیساتھ زیادتی،رپورٹ

کراچی(نیوز ڈیسک) ایک آزادانہ تحقیقات سے پتا چلا ہےکہ نیوزی لینڈ کے ریاستی اور مذہبی اداروں نے سات دہائیوں کے دوران تقریباً2لاکھ بچوں، نوجوانوں اور کمزور افراد کے ساتھ بدسلوکی کی ۔ نیوزی لینڈ کے رائل کمیشن آف انکوائری ان بیوز ان کیئر نے گزشتہ روز کہا کہ 1950 اور 2019 کے درمیان ریاست یا مذہبی نگہداشت میں تقریباً ہر تین میں سے ایک شخص کے ساتھ بدسلوکی کی گئی جو کہ قومی ذلت کے مترادف ہے۔شاہی کمیشن نے چھ سال کی انکوائری کے بعد جاری کی گئی، حتمی رپورٹ میں کہا کہ اگر اس ناانصافی کا ازالہ نہ کیا گیا تو یہ ہمارے قومی کردار پر ہمیشہ کے لیے داغ بن کر رہ جائے گا۔رپورٹ میں کہا گیا ہے کہ جنسی زیادتی عام تھی، بدسلوکی کرنے والے اپنی زیر نگرانی افراد کواس کیلئے تیار کرتے تھے اور بعض صورتوں میں اسمگلنگ سے بچ جانے والوں کو عوام کے ممبروں تک پہنچاتے تھے۔