جاری منصوبوں کی نگرانی کیلئے ممبران کو ڈرون کیمرے دیئے جائیں ،چیئر مین سی ڈی اے

اسلام آباد ( نیوز رپورٹر) چیئرمین سی ڈی اے محمد علی رندھاوا کی زیر صدارت اجلاس میں سیکٹرز کی ڈویلپمنٹ، اسلام آباد کے ڈویلپمنٹ پلان اور سی ڈی اے کی سالانہ آمدنی کے اہداف کے حوالے سے اہم امور پر تبادلہ خیال کیا گیا۔ممبر فنانس نے سی ڈی اے کی مالی صورتحال اور ریونیو بڑھانے اور اہداف پر بریفننگ دی۔ چیئرمین سی ڈی اے نے ہدایت کی کہ ممبرز اسٹیٹ، بلڈنگ کنٹرول، انجینئرنگ، ماحولیات اور ڈی ایم اے کو ڈرون کیمرے فراہم کئے جائیں تاکہ جاری منصوبوں کی مزید مؤثر نگرانی کی جاسکے۔