وزیر اطلاعات کا سی ڈی اےہیڈکوارٹرز کا دورہ ، یوم آزادی تقریبات کےانتظامات پر تبادلہ خیال

اسلام آباد ( نیوز رپورٹر) وفاقی وزیر اطلاعات، نشریات، ثقافت و ورثہ عطاء اللہ تارڑ نے 14 اگست منائے جانے کے انتظامات پر تبادلہ خیال کیلئے سی ڈی اے ہیڈکوارٹرز کا دورہ کیا۔ چیئرمین سی ڈی اے محمد علی رندھاوا نے ان کا استقبال کیا۔تقریب کو "آزادی فیسٹ" کے طور پر منانے پر تبادلہ خیال کیا گیا جس کا مقصد پاکستانی عوام میں جذبہ حب الوطنی کو زندہ کرنا ہے۔ رواں برس "آزادی فیسٹ" میں پرچم کشائی، میوزیکل کنسرٹس، فوڈ فیسٹیول، مختلف پاکستانی ثقافتوں کی نمائش، مختلف شوز، آتش بازی اور اسلام آباد کا پہلا ڈرون شو شامل ہوگا۔شہر کی خصوصی تزئین و آرائش پر بھی تبادلہ خیال کیا گیا ۔