الیکشن کمیشن،عمر ایوب کیخلاف دھاندلی سے کامیابی کے الزام پر ڈی آر او سے رپورٹ طلب

اسلام آباد(نما ئندہ خصو صی )الیکشن کمیشن نے قومی اسمبلی میں قائد حزب اختلاف عمر ایوب کے خلاف مبینہ دھاندلی سے کامیابی کے الزام پر ڈی آر او سے رپورٹ طلب کرتے ہوئے کیس کی سماعت 6 اگست تک ملتوی کردی۔ الیکشن کمیشن میں این اے 19 ہری پور سے کامیاب رکن اور قومی اسمبلی میں قائد حزب اختلاف عمر ایوب خان کے خلاف مخالف امیدوار بابر نواز کی درخواست پر الیکشن کمیشن میں سماعت ہوئی۔بابر نواز کے وکیل ضیا الرحمان کمیشن کے سامنے پیش ہوئے اور استدعا کی الیکشن میں دھاندلی ہوئی لہذا الیکشن کالعدم قرار دیا جائے۔الیکشن کمیشن نے ڈی آر او سے رپورٹ طلب کرتے ہوئے کیس کی مزید سماعت 6 اگست تک ملتوی کر دی۔