پی ٹی آئی جلسے کا اجازت نامہ واپس لینے کا چیف کمشنر کا حکم کالعدم قرار

اسلام آباد (خبر نگار) اسلام آباد ہائیکورٹ نے وفاقی دارالحکومت میں پی ٹی آئی جلسے کا اجازت نامہ واپس لینے کا چیف کمشنر کا حکم کالعدم قرار دیتے ہوئے کہا ہے کہ پی ٹی آئی جلسہ این او سی کی درخواست اسلام آباد انتظامیہ کے سامنے زیر التوا تصور ہو گی ، انتظامیہ قانون کے مطابق اور وجوہات کیساتھ درخواست پر فیصلہ کرے۔ بدھ کو اسلام آباد ہائیکورٹ کے چیف جسٹس عامر فاروق نے پانچ صفحات پر مشتمل تحریری فیصلہ میں 5 جولائی کا چیف کمشنر کا این او سی واپس لینے کا حکم کالعدم قرار دے دیا۔ عدالت نے فیصلے میں کہا ہے کہ 5 جولائی کے آرڈر کے مطابق محرم میں لا اینڈ آرڈر کی صورت حال کی وجہ سے این او سی واپس لیا گیا۔ این او سی واپس لینے سے پہلے چیف کمشنر نے پی ٹی آئی کے کسی نمائندے کو آگاہ نہیں کیا۔