کراچی ( اسٹاف رپورٹر) بھارت میں کھیلے جانے والے جونیئر ورلڈ کپ ہاکی میں پاکستان گروپ میں ارجنٹائن کے خلاف شکست کے بعد وکٹری اسٹینڈ سے باہر ہوگیا۔پاکستان پیر کو 9سے16ویں پوزیشن کے لئے امریکا سے مقابلہ کرے گا،اتوار کو اپنے گروپ کے آخری میچ میں اسے ارجنٹائن کے ہاتھوں سخت مقابلے کے بعد 4-3سے ناکامی کا سامنا کرنا پڑا، پاکستان کو پہلے میچ میں جرمنی سے شکست ہوئی تھی دوسرے میچ میں اس نے مصر کو ہرایا تھا، ارجنٹائن کے خلاف پاکستانی کھلاڑیوں کی کار کردگی اچھی رہی تاہم اس نے گول کے تین یقینی مواقع ضائع کئے۔ پاکستان8 سال بعد جونیئر ورلڈ کپ میں حصہ لے رہا ہے۔ اتوار کو ارجنٹائن ٹیم کی جانب سے پراعتماد کھیل کا مظاہرہ کرتے ہوئے بتیستا نے کھیل کے 10ویں منٹ میں فیلڈ گول ا سکور کیا۔ پاکستان کی جانب سے17ویں منٹ میں کپتان رانا عبدالوحید نے پینلٹی کارنر پر اپنے ساتھی کھلاڑی رضوان علی کے خوبصورت پاس پر گول کرکے اس برتری کا خاتمہ کردیا۔ ارجنٹائن کی جانب سے کھیل کے 20ویں منٹ میں کھلاڑی لگناسیو نے فیلڈ گول بنا کر ارجنٹائن کو پھر برتری دلائی۔کھیل کے 28ویں منٹ میں پاکستان کو ارجنٹائن کے خلاف پنالٹی اسٹروک ملا،جس پر رضوان علی گول بنا کر پاکستان کو ایک گول کے خسارے سے نکالا ، اس کے بعد ارجنٹائن کے فرانسسکولگناسیو نے گول کرکے اس برتری کو مستحکم بنا دیا۔53ویں منٹ میں عقیل احمد نے پنالٹی کارنر پرپاکستان کیلئے تیسرا گول اسکور کردیا تاہم حریف ٹیم کی برتری قائم رہی اور میچ 4-3 سے پر ختم ہوا۔دریں اثنا اتوار کو جرمنی نے مصر کو 11-0، اسپین نے کوریا کو 9-0 اورہالینڈ نے امریکا کو14۔ 0سے ہرایا۔ گروپ میچوں کے اختتام پر ہالینڈ، جرمنی، اسپین، بھارت، ارجنٹائن، فرانس، بیلجیم اور ملائیشیا نے کوارٹر فائنل میں رسائی حاصل کر لی۔
سکھر انٹرنیشنل فوڈ چین ہوٹل پر مشتعل افراد کا حملہ،تھانہ آباد میں سرکار کی مدعیت میں دہشتگردی ایکٹ کے تحت...
شہدادپور تعلقہ شہدادپور کے پولیس تھانے سرہاڑی کے گوٹھ عبداللطیف اُنڑ میں مکان کی دیوار گرنے سے باہر کھیلتے...
پڈعیدن پڈعیدن سمیت ضلع نوشہروفیروز کے مختلف شہروں اور گردو نواح میں آندھی کے بعد گرج چمک کے ساتھ بارش شروع...
حیدرآباد ٹرین میں خاتون پر ہاتھ اٹھانے کا معاملہ،سوشل میڈیا رپورٹس پر آئی جی ریلویز نے حیدرآبادریلوے...
میہڑ دادو میں مسلسل 3ماہ تک ڈیوٹیوں سے غائب رہنے والے 2ہیڈ کانسٹیبل سمیت 7پولیس اہلکار ملازمت سے ہاتھ دھو...
جیکب آباد جیکب آبادمیں عید کے دن بھی شہری محفوظ نہ رہے،رہزنی کی وارداتیں، مبینہ پولیس مقابلے میں دو ڈاکو...
سکھر سکھر، روہڑی سمیت گرد و نواح کے علاقوں میں ابر رحمت برسنے لگا، بارش سے گرمی کا زور ٹوٹ گیا، لوگوں نے سکون...
کراچی ہاکی میں نئی خشک ٹرف متعارف کرائی گئی ہے ۔ اس ٹرف پر پانی کی ضرورت نہیں ہوتی۔ جنوبی افریقا میں یہ ٹرف ایک...