بشریٰ بی بی کی اڈیالہ جیل میں دھکے دینے، بدتمیزی کیخلاف درخواست

لاہور ( ین این آئی) تحریک انصاف کے بانی و سابق وزیر اعظم عمران خان کی اہلیہ بشریٰ بی بی نے اڈیالہ جیل میں دھکے دینے اور بدتمیزی کرنے کے خلاف درخواست لاہور ہائیکورٹ میں دائر کردی۔بشریٰ بی بی کی جانب سے لاہور ہائی کورٹ میں دائر کی گئی درخواست میں آئی جی جیل خانہ جات سمیت دیگر کو فریق بنایا گیا ہے، عدالت سے استدعاکی گئی کہ جیل کے متعلقہ عملے کے خلاف کارروائی کا حکم دے۔ درخواست میں موقف اختیار کیا گیا ہے کہ 13جولائی کو اسلام آباد کی سیشن عدالت نے بری کرنے کا حکم دیا تھا۔ اس کے بعد اڈیالہ جیل کے عملے نے دوسرے مقدمے میں گرفتاری کے دوران دھکے دئیے۔درخواست کے مطابق بدسلوکی کرنے والے عملے کے خلاف کوئی کارروائی نہیں کی گئی۔ نیب نے بدنیتی کی بنیاد پرمجھے گرفتار کیا۔