اسٹاک مارکیٹ سیاسی صورتحال بے چینی ،742 پوائنٹس کم

کراچی (نمائندہ جنگ)پاکستان اسٹاک ایکس چینج،ملکی اور عالمی سیاسی صورتحال کے باعث سرمایہ کاروں میں بے چینی ،آخری گھنٹے میں فروخت کے دباو میں اضافہ، اتار چڑھاو کے بعد مارکیٹ میں مندی کا رحجان، کے ایس ای100انڈیکس میں 742 پوائنٹس کی کمی،78 ہزار پوائنٹس کی حد بھی برقرار نہ رہی،57.46 فیصد کمپنیوں کے شیئرز کی قیمت گھٹ گئی،سرمایہ کاری مالیت بھی 87 ارب 28 کروڑ 51 لاکھ روپے کم ہو گئی تاہم کاروباری حجم 22.20 فیصد زیادہ رہا، تفصیلات کے مطابق بدھ کو مارکیٹ میں ٹریڈنگ کا آغاز منفی زون میں ہوا لیکن جلد ہی مالیاتی اداروں کی جانب سے تمام اہم سیکٹرز میں خریداری سے صورتحال تبدیل ہو گئی اور 100انڈیکس 79 ہزار پوائنٹس کی حد عبور کرتے ہوئے 523 پوائنٹس تک پلس میں چلا گیا۔