کچہ ما چھکہ میں پولیس مقابلہ ، شر گینگ کے 4 ڈاکو ہلاک، کانسٹیبل زخمی

رحیم یار خان (ڈسٹرکٹ رپورٹر/سٹی رپورٹر) کچہ ماچھکہ کے علاقے میں ہنی ٹریپ کے ذریعے اغوا برائے تاوان کی وارداتوں کوناکام بنانے کیلئے جانے والی پولیس پارٹی پر شرگینگ کے ڈاکوؤں کا حملہ، پولیس کی جوابی کارروائی کے دوران اغوا برائے تاوان، ڈکیتی اور سنگین وارداتوں میں مطلوب4ڈاکومارے گئے، کانسٹیبل شدیدزخمی، فائرنگ کے تبادلے میں ایس ایچ او ماچھکہ شہیدہوگئے، ڈسٹرکٹ پولیس آفیسر، اے ایس پی بھونگ سرکل بھاری نفری کے ہمراہ کچے میں موجود، دوطرفہ فائرنگ کاتبادلہ جاری، مارے جانے والے ڈاکوؤں میں صدیق شر، رکھوکوش اور رانوشروغیرہ شامل، زخمی کانسٹبیل تشویش ناک حالت میں شیخ زید ہسپتال منتقل، شہیدایس ایچ او کی میت بھی شیخ زید ہسپتال منتقل کردی گئی، تفصیل کے مطابق گزشتہ روز پولیس تھانہ ماچھکہ کی بھاری نفری ہنی ٹریپ کے ذریعے اغوا برائے تاوان کی وارداتوں کوناکام بنانے کیلئے کچہ ماچھکہ کے علاقہ میں داخل ہوئی تو اس دوران شرگینگ کے ڈاکوؤں نے پولیس پراندھادھندفائرنگ شروع کردی جس پرپولیس نے بھرپورجوابی کارروائی کی جس کے نتیجہ میں شرگینگ سے تعلق رکھنے والے 4ڈاکوصدیق شر، رکھوکوش اور رانوشروغیرہ مارے گئے ۔