حب کی ترقی و خوشحالی کیلئے کسی قربانی سے دریغ نہیں کرینگے، جام کمال

کوئٹہ (آن لائن) وفاقی وزیر تجارت نواب جام کمال خان اور صوبائی مشیر برائے صنعت و تجارت میر علی حسن زہری نے ایک بیان میں اس بات پر اتفاق کیا ہے کہ ضلع حب کی ترقی اور خوشحالی کے لیے کسی بھی قربانی سے دریغ نہیں کیا جائے گا اور مقصد کے لیے اپنا بھر پور کردار ادا کرینگے۔ ان خیالات کا اظہار دونوں رہنمائوں نے اسلام آباد میں ملاقات کرنے کے دوران کیا۔ ملاقات کے دوران میر یونس زہری میر اکبر زہری اور ایڈووکیٹ ارشاد پارس مگسی موجود تھے۔ دونوں رہنمائوں نے اس بات پر اتفاق کیا ماضی کے اختلاف کو بھلا کر علاقے کی ترقی اور خوشحالی کے متحد ہوکر اپنا کردار ادا کرنا پڑے گا۔ انہوں نے کہا کہ پچھلے ادوار میں ضلع حب کو یکسر نظر انداز کیا گیا اور منتخب نمائندے صرف اپنی ذات کی ترقی اور خوشحالی کے لیے محنت کی جسکا نتیجہ حب کی حالت زار کی شکل میں ہمارے سامنے ہے لیکن ابھی اس طرح نہیں ہوگا۔ انشا اللہ ضلع حب کو جدید سہولیات سے آراستہ شہر بنا کر ہی دم لینگے، دونوں رہنمائوں نے میونسپل کارپوریشن کے چیئرمین اور وائس چیئرمین کے عہدوں پر بھی تبادلہ خیال ہوا۔ انہوں نے اس بات بھی اتفاق کیا کہ مشترکہ کوششوں سے ہمارے علاقے میں نمایاں بہتری آہیگی اور ضلع حب ایک جدید اور ترقی یافتہ شہر بنے گا۔