ایران نے اسماعیل ہنیہ کو اپنے ملک بلا کرقتل کروایا ، مولانا رمضان مینگل

کوئٹہ (آن لائن)سنی علماکونسل بلوچستان کے سربراہ مولانا رمضان مینگل نے حماس کے سربراہ اسماعیل ہنیہ کے قتل کی مذمت کرتے ہوئے کہا ہے کہ ایران نے عالمی لیڈر کو اپنے ملک بلا کر جس طرح قتل کروایا ہے یہ ایران کا وطیرہ رہا ہے جس طرح انہوں نے حضرت حسینؓ کو بلا کر شہید کروایا تھا۔ ایک بیان میں ا نہوں نے کہا کہ آج جس طرح ایران اور اسرائیل کے گڑھ جوڑ کی وجہ سے امت مسلمہ ایک عظیم لیڈرسے محروم ہو گئی ہے حالانکہ حماس کے سربراہ اسماعیل ہنیہ کی شہادت کی تمنا تھی جس نے اپنا پورا خاندان اپنے بیٹوں ،پوتوں کو بھی شہید کروا دیا لیکن اپنے مقصد سے پیچھے نہیں ہٹے ،بیان میں کہا گیا کہ ملا عمر نے اپنی حکومت اور سلطنت اماات قربان کر دی لیکن کسی بھی لیڈر یا مسلمان کو ان کے حوالے نہیں کیا ۔ انہوں نے کہاکہ حضرت حسینؓ سے لے کر آج تک امت مسلمہ اور مسلمانوں کو ایران نے اپنے حواریوں کے ذریعے جتنا نقصان پہنچایا ہے اس کی تاریخ میں مثال نہیں ملتی اس لئے امت مسلمہ کو سازشوں اور حرکتوں کو پہنچاننا ہو گا اور اسماعیل ہنیہ کے قتل کی جتنی مذمت کی جائے کم ہے۔