نواب رئیسانی،صادق سنجرانی اور عبدالصمد گورگیج کیخلاف انتخابی عذرداریوں کی سماعت

کوئٹہ(اسٹاف رپورٹر)بلوچستان ہائی کورٹ کے جسٹس عبداللہ بلوچ پر مشتمل الیکشن ٹریبونل نے نواب محمد اسلم رئیسائی ،صادق سنجرانی اور عبدالصمد گورگیج کے خلاف دائر انتخابی عذرداریوں کی سماعت کی ۔ٹریبونل نے جمعیت کے نواب محمد اسلم رئیسانی کے خلاف نور احمد بنگلزئی کی جانب سے دائر انتخابی عذرداری کی سماعت کی اور نواب اسلم رئیسانی کا بیان قلمبند کیا گیا۔ٹریبونل نے بی اے پی کے میر صادق سنجرانی کی کامیابی کے خلاف جمعیت کے میر امان اللہ نوتیزئی کی جانب سے دائر انتخابی عذرداری کی سماعت کی اور میر امان اللہ نوتیزئی کا بیان قلمبند کیا گیا۔ اور سماعت ملتوی کردی ۔ٹریبونل نے پیپلزپارٹی کے عبدالصمد گورگیج کی کامیابی کے خلاف ان کے مدمقابل امیدوار ہزارہ ڈیمو کریٹک پارٹی قادر علی نائل کی جانب سے دائر انتخابی عذرداری کی سماعت کی اور فریقین کے وکلاء نے بحث مکمل کرلی جس کے بعد ٹریبونل نے انتخابی عذرداری پر فیصلہ محفوظ کرلیا۔