راجی مچی کرنے دیتے کوئی قیامت نہیںآ جاتی،ظہور بلیدی

تربت( نامہ نگار) صوبائی وزیر ظہور بلیدی بی وائی سی کے ساتھ مذاکرات کیلئے تربت پہنچ گئے۔مطالبات پیش کرتے ہوئے دھرنا مظاہرین نے کہا کہ بی وائی سی کے رہنماؤں سمیت تمام گرفتار افراد کو رہا کیا جائے اور گوادر جانے والے راستہ کھولے جائیں اور گوادر سمیت بلوچستان بھر میں انٹرنیٹ بحال کیا جائےجبکہ جن جن افراد کی موٹر سائیکلیں ، گاڑیاں اور موبائل تحویل میں لئے گئے ہیں ان کو واپس کردیئے جائیں۔اس دوران صوبائی ظہور بلیدی نے کیمپ میں گفتگوکے دوران کہا کہ اگر راجی مچی کرنے دیتے تو کوئی قیامت نہیں آتی، جو کچھ ہوا سوا ہوا اب مزید سڑکوں اور بازار بند کرنے کی ضرورت نہیں ہے ۔ ہم چاہتے ہیں مسائل افہام و تفہیم سے حل ہو جائیں۔