بی آئی ایس پی کے منصوبوں میں بلوچستان کو اولیت دی جائے‘ میرکبیر

اسلام آباد(پ ر)نیشنل پارٹی کے مرکزی سینئر نائب صدر میر کبیر احمد محمدشہی نے اسلام آباد میں بے نظیر انکم سپورٹ پروگرام کی چیئر پرسن سینیٹر روبینہ خالد سے ملاقات رہنمائوںنے بلوچستان کی پسماندگی اور دیگر مسائل پر تفصیلی گفتگو کی میرکبیر نے کہاکہ بلوچستان کے لوگ اس وقت غربت کی لکیر سے بھی نیچے زندگی گزار رہے ہیں بلوچستان کو بے نظیر انکم سپورٹ پروگرام کے ہر پروجیکٹ میں اولیت دی جانی چاہیےاور بلوچستان کا از سر نو سروے کیا جائے کیونکہ گزشتہ سروےمیں زیادہ حق داروں کو نظرانداز کیاگیا اسکالر شپ اور نشوونما پروجیکٹ میں بلوچستان کو خصوصی اہمیت دینے کی ضرورت ہے جس پر روبینہ خالد نے یقین دہانی کرائی کہ میں ذاتی طور پر ان تمام مسائل کے حل کے لیے کوشش کرئونگی۔