رؤف حسن کو انسداد دہشت گردی کے الزام میں بھی گرفتار

اسلام آباد(خصوصی نامہ نگار) اسلام آباد پولیس نے پی ٹی آئی کے سیکریٹری اطلاعات رؤف حسن کو انسداد دہشت گردی کے الزام میں بھی گرفتار کرلیا گیا ہے، انسداد دہشت گردی کی عدالت نے انہیں دو روزہ جسمانی ریمانڈ پر سی ٹی ڈی کے حوالے کردیا ہے ،تحریک انصاف کے رہنما رؤف حسن کو ایک اور مقدمے میں گرفتار کرلیا گیا جس میں ان پر دہشت گردی کی دفعات لگائی گئی ہیں۔ پولیس ذرائع کے مطابق احمد جنجوعہ کے بیان پر رؤف حسن کی گرفتاری عمل میں لائی گئی ہے،۔بعد ازاں سی ٹی ڈی نے انہیں انسداد دہشت گری کی عدالت اسلام آباد میں پیش کردیا جہاں سماعت انسداد دہشت گری عدالت کے جج طاہر عباس سپرا نے کی۔ رؤف حسن کی جانب سے وکیل علی بخاری عدالت میں پیش ہوئے۔ سی ٹی ڈی نے رؤف حسن کے 5 دن کے جسمانی ریمانڈ کی استدعا کردی۔