بابر اعظم کی ٹیسٹ رینکنگ میں ایک درجے ترقی، ٹی 20؍میں تنزلی

کراچی(اسٹاف رپورٹر) انٹرنیشنل کرکٹ کونسل کی ٹیسٹ اور ٹی ٹوئنٹی پلیئرز کی رینکنگ میں بابر اعظم کی ٹیسٹ رینکنگ میں ترقی اور ٹی ٹوئنٹی میں تنزلی ہوئی ہے۔پاکستان کے بابر اعظم ایک درجے ترقی کے بعد تیسرے نمبر پر آگئے۔ٹی ٹوئنٹی میں بابر اعظم ایک درجہ تنزلی کے بعد پانچویں پوزیشن پر چلے گئے ہیں اسی فارمیٹ میں جبکہ محمد رضوان کی بھی ایک درجہ تنزلی ہوئی ہے اور وہ چھٹے نمبر پر چلے گئے ہیں ۔انگلینڈ کے جو روٹ نمبر ون ٹیسٹ بیٹر بن گئے، انہوں نے پہلی پوزیشن نیوزی لینڈ کے کین ولیمسن سے چھینی ہے، جو ایک درجے تنزلی کے بعد دوسرے نمبر پر آگئے ہیں۔ نیوزی لینڈ کے ڈیرل مچل چوتھے نمبر پر ہیں۔آسٹریلوی اسٹیو اسمتھ، روہت شرما ایک ایک درجہ بہتری کے بعد پانچویں اور چھٹے نمبر پر پہنچ گئے ہیں۔ٹیسٹ بولرز کی رینکنگ میں روی چندرن ایشون کی پہلی پوزیشن برقرار ہے جبکہ جوش ہیزل ووڈ دوسرے اور جسپریت بمرا کی تیسرے نمبر پر موجود ہے۔ٹیسٹ آل راؤنڈرز رینکنگ میں رویندرا جڈیجا کی پہلی پوزیشن برقرار ہے۔ٹی ٹوئنٹی بیٹنگ رینکنگ میں آسٹریلیا کے ٹریوس ہیڈ کی پہلی پوزیشن برقرار ہے ۔بھارت کےسوریا کمار یادیو کی دوسری، فل سالٹ تیسری پوزیشن ہے ۔ٹی ٹوئنٹی آل راؤنڈرز رینکنگ میں آسٹریلیا کے مارکس اسٹوئنس پہلے نمبر پر آگئے۔