بھارت کے ٹیسٹ اوپنر انشومن گائیکوارڈ انتقال کرگئے

کراچی(اسٹاف رپورٹر)بھارت کے سابق ٹیسٹ اوپنر انشومن گائیکوارڈ 71سال کی عمر میں کینسر کے باعث انتقال کر گئے۔انشومن گائیکوارڈ کافی عرصے سے خون کے کینسر میں مبتلا تھے، بھارتی میڈیا کے مطابق کافی عرصے سے لندن میں رہنے کے بعد وہایک ماہ قبل ہی بھارتی شہر بڑودہمیں واپس آئے تھے۔انشومن گائیکوارڈنے 1975 سے 1987تک 40یسٹ اور 15ون ڈے میچوں میں بھارت کی نمائندگی کی۔ انہوں نے ٹیسٹ میں 1985رنز بنائے جس میں ان کا سب سے بڑا سکور 201پاکستان کے خلاف تھا۔ انہیںاکتوبر 1997 میں بھارتی کرکٹ ٹیم کا کوچ مقرر کیا گیا تھا اورانہوں نے یہ ذمہ داری ستمبر 1999تک نبھائی۔ یاد رہے کہ گزشتہ دنوں بھارتی کرکٹ ٹیم کے سابق کپتان کپل دیو نے سابق کرکٹر انشومن کے علاج کیلئے اپنی پنشن دینےکا اعلان کیا تھا اور بورڈ نے علاج کے لئے ایک کروڑ روپے دینے کا اعلان کیا تھا۔