آل پاکستان بیڈ شیٹ اینڈ اپ ہولسٹری مینوفیکچرز ایسوسی ایشن کے تعاون سے ٹیکس اصلاحات پر آگاہی سیمینار

ملتان (سٹاف رپورٹر)آل پاکستان بیڈ شیٹ اینڈ اپ ہولسٹری مینو فیکچررزا یسوسی ایشن دفتر میں ملتان ٹیکس بار ایسوسی ایشن کے تعاون سے بجٹ 2024 میں نافذ کئے گئے محصولات اور خصوصاً برآمدی شعبہ کے لئے ٹیکس اصلاحات پر آگاہی فراہم کرنے کے لئے سیمینار ہوا۔ جس میں ٹیکس بار ایسوسی ایشن کے صدر میاں عبدالستار، محمد یونس غازی ، عثمان ستار، مہتاب چغتائی، راجہ امتیاز کیانی اوردیگر مقرر ین نے انکم ٹیکس، سیلز ٹیکس، تاجر دوست سکیم اور دیگر قانونی پہلوؤں پر اظہار خیال کیا۔تقریب کے اختتام پر محمد عاصم شاہ چیئرمین APBUMA نے کہا کہ بجٹ 2024 میں برآمدی شعبہ کو بھی فائنل ٹیکس سے نارمل ٹیکس Regime کے تحت لایا گیا ہے لہذا یہ بہت ضروری ہے کہ برآمد کنند گان اس ضمن درپیش چیلجز سے پوری طرح آگاہی حاصل کر یں۔ انہوں نے حکومت سےاپیل کی کہ وزیراعظم کے وژن کے مطابق ملک میں برآمداد کو فروغ دینے کے لئے اس شعبہ کے لئے ٹیکنالوجی کے استعمال سے ٹیکس معاملات کو سہل بنایا جائے۔