چاقوحملہ، انگلش ڈیفنس لیگ کے مظاہرین سے جھڑپ میں 29 پولیس افسران زخمی، شاہ چارلس کا واقعہ پر صدمے کا اظہار

گریٹر مانچسٹر/ بولٹن ( ابرار حسین) ساؤتھ پورٹ میں گزشتہ دنوںڈانس کلاس میں چاقو کے حملے کے واقعہ پرکنگ چارلس اور ان کی اہلیہ محترمہ نےہ پر شدید صدمے کا اظہار کیا ہے۔ دوسری جانب شہزادہ ویلز اور شہزادی ولیم کیٹ نے کہا ہےکہ والدین کے طور پر یہ تصور کرنا انتہائی ناممکن ہے کہ ہلاک کرنے اور زخمی ہونے والوں کے والدین کس کیفیت سے گزر رہے ہیں انہوں نے ان سب کے لئے ہمدردی اورپیار سے لبریز خیالات کا اظہار کیا ہے۔ پیر کی شام کمیونٹی کے سیکڑوں لوگ جاے وقوعہ پر جمع ہوئے جوکہ انتہائی افسردہ حالت میں تھے۔ ہلاک ہونے والے تین بچے اور ایک یوگا ٹیچر جو انہیں بچانے کی کوشش میں زخمی ہوا تھا، کا نام بتایا گیا ہے۔ بیبی کنگ، چھ، ایلسی ڈاٹ اسٹین کامبی، سات، اور ایلس ڈیسلوا اگویئر، نو، اس واقعہ میں جاں بحق ہو گئے تھے ۔ پولیس نے پیر کو ٹیلر سوئفٹ تھیمڈ ڈانس اور یوگا ورکشاپ کے دوران "شدید حملہ" قرار دیا ۔لین لوکاس، ایک یوگا ٹیچر جس نے اس پروگرام کو منظم کیا اور کلاس کی قیادت کرنے میں مدد کی، خیال کیا جاتا ہے کہ وہ بچوں کو محفوظ مقامکی طرف لے جانے کی کوشش کے دوران زخمی ہو گئیں۔ سوشل میڈیا پر خراج تحسین کے سیلاب میں انہیں ایک ہیرو کہا گیا جس کی "بہادری نے قوم کے دلوں کو چھو لیا"۔ پولیس نے بتایا کہ ہسپتال میں پانچ بچوںاور دو بالغ افراد کی حالت تشویشناک ہے۔ لنکاشائر کے گاؤں بینکس سے تعلق رکھنے والے لیکن کارڈف میں پیدا ہونے والے ایک 17 سالہ لڑکے کو قتل اور اقدام قتل کے شبہ میں گرفتار کیا گیا ہے۔ پولیس نے کہا ہےکہ چاقو مارنے کا مقصد ابھی تک واضح نہیں ہے اوروہ مشتبہ شخص سے پوچھ گچھ جاری رکھے ہوئے ہیں۔ساؤتھ پورٹ کمیونٹی اس حملے سے پریشان ہے۔ منگل کی شام کو ایک مسجد کے باہر احتجاج کیا گیا ۔ بتایا گیا ہے کہ احتجاج انگلش ڈیفنس لیگ کے سپورٹر کر رہے تھے جس میں مظاہرین انتہائی دائیں بازو کے نعرے لگا رہے تھے اور سینٹ لیوک روڈ پر ان کی پولیس کے ساتھ جھڑپ ہوئی۔ اہلکاروں نے ہیلمٹ پہن رکھی تھیں۔پولیس کی وینوں پر فسادیوں کے ایک ہجوم نے حملہ کیا اور پولیس وین کو آگ لگا دی گئی گو ان میں سے بہت سے پولیس آفیسر ماسک اور ہوڈیز پہنے ہوئے تھے لیکن اس کے باوجود 29پولیس افسران کے زخمی ہونے کی اطلاعات ہیں۔بتایا گیا ہے کہ 27زخمی افسران کو ہسپتال لے جایاگیا ہے۔قبل ازیں سینکڑوں افراد نے مرسی سائیڈ قصبے میں ایک چوکسی میں شرکت کی، جن میں کئی خاندان بچوں کے ساتھ ان کی تعزیت کرنے والوں میں شامل تھے۔ بہت سے لوگوں کو آنسوؤں سے روتے ہوئے دیکھا گیا اس واقعے نے سب لوگوں کو ہلا کر رکھ دیا ہے ۔ہوم سیکرٹری یوویٹ کوپر نے کہا ہے کہ یہ دل دہلا دینے والا واقعہ ہے ۔گرمیوں کی تعطیلات پر بچوں کی تفریحی پارٹی کی جاہری تھی جو المیہ میں بدل گئی جس پر پورا ملک اس غم میں ڈوبا ہوا ہے۔ انہوں نے اس موقع پر پولیس آفسیر پیرا میڈیکل ہسپتال کے علاوہ مرسی سائیڈ کی پولیس چیف کانسٹیبل سرینا کینیڈی کے کاوشوں کی بھی تعریف کی۔ اس حوالے سے ساوتھ پورٹ کے چیپلین، مارٹن ابرام نے ہجوم کو بتایا کہ واضح طور پرہجوم ظاہر کرتا ہے کہ ہمیں ایک ساتھ کھڑے ہونا چاہتے ہیں۔ انہوں نے ٹیلر سوئفٹ کا حوالہ دیا اور کہا کہ کنسرٹس میں اس کے مداحوں کی دوستی کے کنگن’’ ہمیں یاد دلاتے ہیں کہ ہمیں کبھی بھی تنہا محسوس نہیں کرنا چاہئے‘‘۔ سیفٹن کے میئر جون برنز نے جائے وقوعہ پر پھول چڑھائے۔مقامی لوگ ایک دوسرے سے لپٹ گئے اور روتے رہے جب وہ دن بھر جائے وقوعہ پر پھول چڑھاتے رہے اور ایمرجنسی سروسز کو خراج تحسین پیش کرتے ہوئے انہیں سراہا گیا۔