بیوروکریسی تقرر و تبادلے ؛ منصور علی مسعود ایشیائی ترقیاتی بنک میں تعینات

اسلام آ باد (رانا غلام قادر ) وفاقی بیوروکریسی میں تقرر و تبادلے کئے گئے ہیں۔ او ایس ڈی اسٹیبلشمنٹ ڈویژن اور سیکر ٹیر یٹگروپ کے گریڈ ا نیس کے افسر محمدزاہد مصطفیٰ ڈپٹی سیکریٹری وزارتِ موسمیاتی تبدیلی تعینات کیا گیا ہے۔ ڈپٹی سیکریٹری ایوی ایشن ڈویژن اور سیکر ٹیریٹگروپ کے گریڈ انیس کے افسر منصور علی مسعود کا تبادلہ کر کے اُنہیں 3 سال کیلئے ڈیپوٹیشن پر سینئر پراجیکٹ آفیسر، ہیومن اینڈ سوشل ڈیویلپمنٹ، ایشیئن ڈیویلپمنٹ بنک مقرر کیا گیا ہے۔ ڈپٹی سیکریٹری وزارتِ موسمیاتی تبدیلی اور سیکر ٹیریٹ گروپ کے گر یڈ انیس کے افسر ڈاکٹر منصور علی وسان کا تبادلہ کر کے اُنہیں ڈپٹی سیکریٹری قومی صحت ڈویژن تعینات کیا گیا ہے۔ دریں اثناء سیکشن افسر محمد افضل صدف کا اسٹیبلشمنٹ ڈویژن سے آبی وسائل ڈویژن اور سیکشن افسر اعجاز احمد کا آبی وسائل ڈویژن سے اسٹیبلشمنٹ ڈویژن تبادلہ کیا گیا ہے۔اسٹیبلشمنٹ ڈویژن نے ان تقرر و تبادلوں کے باضابطہ نوٹیفیکیشن جاری کر د یے ہیں۔