دہشت گردی کیخلاف کامیابی میں پولیس فورس کا نمایاں کردار ہے،آصف زرداری

اسلام آباد(صباح نیوز)صدرمملکت آصف علی زرداری نے کہا ہے کہ دہشت گردی کے خلاف کامیابی میں پولیس فورس کا نمایاں کردار ہے، پولیس شہدا کو خدمات اور قربانیوں پر سلام پیش کرتا ہوں۔ ان خیالات کا اظہار انھوں نییوم شہدائے پولیس کے موقع پراپنے پیغام میں کیاہے ۔ صدر مملکت نے نے کہا ہے کہ قوم کیلئے جانوں کا نذرانہ پیش کرنے والے پولیس کے اہلکاروں کی بے مثال جرات اور قربانیوں کو خراج عقیدت پیش کرتا ہوں،دہشت گردی کے خلاف جنگ میں پولیس کے شہدا نے گراں قدر خدمات انجام دی،پوری قوم کو اپنے بہادر شہدا پر فخر ہے،پولیس نے دہشت گردوں اور جرائم پیشہ عناصر کے خلاف فرنٹ لائن پر لڑتے ہوئے جانوں کا نذرانہ پیش کیا۔صدر مملکت نے کہا کہ دہشت گردی کے خلاف کامیابی میں پولیس فورس کا نمایاں کردار ہے،پولیس کے جوان ملک کے مختلف حصوں میں سماج دشمن عناصر اور دہشت گردوں کے خلاف لڑتے ہوئے جانوں کا نذرانہ پیش کر رہے ہیں،پوری قوم کی جانب سے پولیس شہدا کو خدمات اور قربانیوں پر سلام پیش کرتا ہوں۔