ملک میں تمام مدارس رجسٹرڈ، دہشتگردی نہیں ہوتی، چیئرمین پاکستان علماء کونسل

گوجرانوالہ(مانیٹرنگ ڈیسک) پاکستان علماء کونسل کے چیئرمین علامہ طاہر اشرفی نے کہا کہ ملک میں تمام مدارس رجسٹرڈ ہیں، مدارس میں کوئی دہشت گردی نہیں ہوتی۔پاکستان علماء کونسل کے چیئرمین علامہ طاہر اشرفی نے استحکام پاکستان علماء مشائخ کانفرنس سے خطاب کرتے ہوئے کہا کہ ہم غیر ملکیوں کی بنائی ہوئی چیزیں چھوڑنے کو تیار نہیں، آج امپورٹڈ اشیا نےہماری معیشت کو جکڑا ہوا ہے۔علامہ طاہر اشرفی نے کہا کہ اگر کوئی مدرسہ ملک میں دہشت گردی میں ملوث ہے تو آپ ہمیں بتائیں ہم خود اسے بند کردیں گے، آج پورے ملک میں یوم استحصال کشمیر منائیں گے، آج جو فلسطینیوں کے ساتھ ہو رہا ہے وہی کشمیریوں کے ساتھ ہو رہا ہے۔انہوں نے مزید کہا کہ نہ صرف پاکستان بلکہ پوری دنیا میں یوم استحصال کشمیر منایا جائے گا، ملک میں کوئی جبری گمشدگی نہیں ہوئی، عدالتیں آج تک 9 مئی کے مجرموں کو سزا نہیں دے سکیں، میں چاہتا ہوں تمام سیاسی جماعتیں مل کر بات چیت کریں۔