قوم کیلئے جان دینےوالے پولیس اہلکاروں کی قربانیاں لازوال،صدر، وزیراعظم

اسلام آباد( نمائندہ جنگ) صدر اور وزیراعظم نے کہا ہے کہ قوم کیلئے جان دینےوالے پولیس اہلکاروں کی قربانیاں لازوال ہیں۔یوم شہدائے پولیس کے موقع پر شہداء کو خراج عقیدت پیش کرتے ہوئے صدر مملکت آصف علی زرداری نے کہا ہے کہ دہشتگردوں اور جرائم پیشہ عناصر کیخلاف پولیس فرنٹ لائن ہے ،انہوں نے کہا قوم کیلئے جانوں کا نذرانہ پیش کرنیوالے پولیس اہلکاروں کی بے مثال جرات اور قربانیوں کو خراج تحسین پیش کرتے ہیں، دہشتگردی کیخلاف جنگ میں پولیس شہداء نے گراں قدر خدمات انجام دیں،پوری قوم کو اپنے بہادر شہداء پر فخر ہےدہشتگردی کیخلاف کامیابی میں پولیس فورس کا نمایاں کردار ہے پولیس کے جوان ملک کے مختلف حصوں میں سماج دشمن عناصر اور دہشتگردوں کیخلاف لڑتے ہوئے جانوں کا نذرانہ پیش کر رہے ہیں،پوری قوم کی جانب سے پولیس شہداء کو خدمات اور قربانیوں پر سلام پیش کرتا ہوں۔