کشمیر کوئی ریئل اسٹیٹ نہیں ہے جس کو بھارت کنٹرول کر سکے، پاکستان

اسلام آباد (این این آئی)ترجمان دفترِ خارجہ ممتاز زہرا بلوچ نے کہا ہے کہ جموں و کشمیر ایک ریئل اسٹیٹ نہیں ہے جس کو بھارت کنٹرول کر سکے۔ترجمان دفتر خارجہ ممتاززہرا بلوچ نے کشمیر سے متعلق سیمینار سے خطاب کے دوران کہا کہ مقبوضہ کشمیر میں14سیاسی جماعتوں پر پابندی عائد کی گئی ہے، مقبوضہ کشمیر میں جعلی سیاسی جماعتیں کھڑی کرنے کی کوشش کی گئی۔ترجمان دفتر خارجہ نے کہا کہ بھارت نے مقبوضہ کشمیر میں غیرقانونی اور یک طرفہ اقدامات کیے، بھارت کی جانب سے غیر کشمیریوں کو جعلی ڈومیسائل دیئے گئے، غیر کشمیریوں کو مقبوضہ کشمیرمیں جائیدادیں خریدنے کی اجازت ،مسلمانوں کی آبادی کے تناسب کو بدلنے کی کوشش ،حلقہ بندیوں کو بھی تبدیل کیا گیا۔انہوں نے کہاکہ مقبوضہ کشمیر میں انسانی حقوق کے کارکن جیلوں میں ہیں، یواین ہائی کمشنر مہاجرین نے کمیشن آف انکوائری بنانے کی تجویز دی ہے۔