روشن ڈیجیٹل اکاؤنٹس کےذریعے ترسیلات زرکا حجم 8.255ارب ڈالر سے متجاوز

اسلام آباد (اے پی پی)روشن ڈیجیٹل اکاؤنٹس کےذریعے سمندر پارپاکستانیوں کا ترسیلات زرکا حجم 8.255 ارب ڈالر سے تجاوز کر گیا ہے جبکہ ان اکاؤنٹس کے ذریعے سرمایہ کاری کا حجم978ملین ڈالر ہو گیا، جون2024میں سمندر پار پاکستانیوں نے روشن ڈیجیٹل اکاؤنٹس کے ذریعے 200 ملین ڈالر کا زرمبادلہ ملک ارسال کیا۔۔ سٹٹ بنک کے مطابق ستمبر 2020 سے لے کر اب تک ان اکاؤنٹس کے ذریعے سمندر پار پاکستانیوں نے مجموعی طور پر 8.255 ارب ڈالر کا زرمبادلہ ملک ارسال کیا ہے۔ ۔ سٹٹ بنک کے مطابق روشن ڈیجیٹل اکاؤنٹس کے ذریعے سمندر پار پاکستانیوں نے اب تک ملک میں 987 ملین ڈالر کی سرمایہ کاری کی ہے۔ سمندر پار پاکستانیوں نے روایتی نیاپاکستان سرٹیفکیٹ میں 348 ملین ڈالر ، اسلامی نیا پاکستان سرٹیفکیٹ میں 592 ملین ڈالر اور سٹاک مارکیٹ میں 27 ملین ڈالر کی سرمایہ کاری کی ہے۔