تنظیم غیر جریدہ ملازمین، فارسٹ گارز تنظیم کا بھارت کیخلاف مشترکہ احتجاجی مظاہرہ

مظفرآباد(جنگ نیوز )تنظیم غیر جریدہ ملازمین آزادکشمیر، تنظیم فاریسٹر فارسٹگارڈ ایسوسی ایشن کا محکمہ جنگلات کے بیلداران کو مستقل نہ کرنے کے حکومتی اقدام اور بھارت کے مقبوضہ کشمیر کی خصوصی حیثیت کوختم کرنے کیخلاف مشترکہ احتجاجی مظاہرہ کیا گیا،ریلی، بھارت کے ظالمانہ اقدام کیخلاف شدید نعرہ بازی کی گئی۔ احتجاجی ریلی محکمہ جنگلات کے مرکزی دفتر بینک روڈ سے نکالی گئی۔ جو مرکزی ایوان صحافت آزادی چوک میں اختتام پزیر ہوئی۔ شرکاء ریلی نے بینرز، کتبے ،پلے کارڈ اٹھار رکھے تھے جن پر بھارت کے غیرقانونی اقدام کے خلاف نعرے درج تھے ۔ریلی کے شرکاء سے خطاب کرتے ہوئے راجہ طاہر مجید، سالک رشید عباسی، سلیم اعوان، راجہ اویس ناصر، راجہ تصویر خان، راجہ راشد ظفر، نوشاد میر، اپوزیشن رہنما راجہ وقار نسیم، خورشید مغل، خالد اعوان، راجہ طاہر اسحاق، سردار رفاقت حسین، پیرا میڈیکل سٹاف ایسوسی ایشن کے مرکزی بانی چیف آرگنائزر قاضی تنویرحسین نے کہا کہ مقبوضہ کشمیر کی خصوصی حیثیت ختم کرنے کی شدید الفاظ میں مذمت کرتے ہیں،۔ بھارت ظالم جابر ملک ہے۔ اقوام متحدہ انسانی حقوق کی تنظیموں او آئی سی کے عالمی چمپئین مقبوضہ کشمیر کے عوام کو بھارت کے چنگل سے آزادی دلانے کیلئے کردار ادا کریں ۔کشمیریوں کو ان کا بنیادی حق دیا جائے۔ انہوں نے کہا کہ وزیراعظم آزادکشمیر مودی کے نقش قدم پر چلنے سے گریز کریں اور بیلداران کو مستقل کرنے کانوٹیفکیشن جاری کریں آج اسم بلی کی طرف لانگ مارچ ہوگا اور نوٹیفکیشن جاری ہونے تک احتجاج ختم نہیں کرینگے۔