پیرس اولمپکس گیمز میں شریک ارشد ندیم آج ایکشن میں ہونگے

کراچی(اسٹاف رپورٹر)پیرس اولمپکس میں پاکستانی ایتھلیٹس کاسفر ایک کے بعد ایک ختم ہوگیا جبکہ جیولین تھرور ارشد ندیم منگل کو ایکشن میں ہوں گے۔ارشد ندیم سے پاکستان کو میڈل کی توقع ہے۔ارشد ندیم نے گزشتہ سال ورلڈ ایتھلیٹکس میں چاندی کا میڈل حاصل کیا اور اب قوم کو پیرس میں بھی ان سے بڑی امیدیں ہیں ۔سوشل میڈیا پر ارشد ندیم نے کہا ہے کہ میرا مقابلہ پاکستانی وقت دوپہر 2بجکر 50منٹ پر پر ہو گا، کوالی فائنگ راؤنڈ کے گروپ ’بی‘ میں میرا مقابلہ ہے، مداح میرے لیے دعا کریں کہ میں اچھا پرفارم کرکے فائنل کے لیے کوالیفائی کروں، منتظمین نے جیولین تھرو مقابلوں کے گروپس کا اعلان کردیا جس میں ارشد ندیم اور نیرج چوپڑا ایک ہی گروپ میں شامل ہیں۔ عالمی نمبر 5 ایڈیس میٹوشیویسیئس اور عالمی نمبر 6 اینڈرسن پیٹرس بھی اس گروپ میں شامل ہیں جب کہ اس سیریز میں 90 میٹر کی تھرو کرنے والے جرمنی کے میکس ڈینھنگ بھی گروپ بی کا حصہ ہیں ۔