جناح سندھ میڈیکل یونیورسٹی کے تحت یوم استحصال کشمیر کی ریلی

کراچی(اسٹاف رپورٹر) جناح سندھ میڈیکل یونیورسٹی نے کشمیری عوام سے اظہار یکجہتی اور مقبوضہ جموں و کشمیر میں بھارتی فوجی محاصرے کے خلاف احتجاج کے لئے ایک ریلی کا انعقاد کیا۔ یوم استحصال کشمیر کی اس ریلی کی قیادت وائس چانسلر پروفیسر امجد سراج میمن نے کی۔اس موقع پر شیخ الجامعہ پروفیسر امجد سراج میمن نے کہا کہ "جے ایس ایم یو کے تمام اساتذہ، طلباء اور ملازمین کشمیر پر بھارت کے غاصبانہ قبضے کی بھرپور مذمت کرتے ہیں اور کشمیری عوام کی حق خود ارادیت کے لیے جدو جہد میں ان کے ساتھ کھڑے ہیں۔" ریلی میں جے ایس ایم یو کے رجسٹرار ڈاکٹر اعظم خان، تمام اداروں کے سربراہان، شعبہ جات کے سربراہان، فیکلٹی، عملہ اور طلباء نے بھرپور شرکت کی۔ اس ریلی کا انعقاد ڈاکٹر راحت ناز، ڈائریکٹر ایچ آر، اور سہراب زمان، ڈائریکٹر ایڈمنسٹریشن نے کیا۔