ایم کیو ایم کشمیریوں کی جہدوجہد میں ان کے شانہ بہ شانہ کھڑی ہے، خالد مقبول

کراچی (اسٹاف رپورٹر) متحدہ قومی موومنٹ ایم کیو ایم پاکستان کے زیراہتمام یوم استحصال کشمیر کی مناسبت سے مرکزی الیکشن آفس پاکستان ہاؤس میں ایک تقریب کا انعقاد کیا گیا، جس سے خطاب کرتے ہوئے ایم کیو ایم کے چیئرمین ڈاکٹر خالد مقبول صدیقی نے کہا کہ 5 اگست 2019ء کو بھارت نے مظلوم کشمیریوں پر جارحیت کا ارتکاب کرتے ہوئے کشمیر کی خصوصی حیثیت کو ختم کر دیا، ایم کیو ایم کشمیریوں کی جہدوجہد میں ان کے شانہ بہ شانہ کھڑی ہے۔ ریاست جموں کشمیر میں سازش کی غرض سے بھارت نے یہ بیج بویا جس سے اس سارے عمل میں ہندوستانی حکمرانوں کی بدنیتی نظر آئ۔ بھارت کا یہ جارحانہ اقدام پوری دنیا پر عیاں ہوچکا ہے۔ آج کے دن ایم کیوایم اور پوری پاکستانی قوم مظلوم کشمیریوں سے یکجہتی کا اظہار کرتے ہیں۔