اسلام آباد(خ ن) صدر مملکت آصف علی زرداری سے یہاں ایوان صدر میں وزیراعلیٰ بلوچستان میر سرفراز بگٹی نے ملاقات کی۔ اس موقع پر ڈپٹی اسپیکر قومی اسمبلی سید غلام مصطفیٰ شاہ بھی موجود تھے۔ ملاقات میں بلوچستان کی مجموعی سیاسی صورتحال، امن و امان اور صوبے میں جاری ترقیاتی منصوبوں کی پیشرفت سے متعلق تبادلہ خیال کیا گیا۔ وزیراعلیٰ نے صدر مملکت آصف علی زرداری کو صوبے کی معاشی و اقتصادی ترقی اور عوام کی فلاح و بہبود کے لیے شروع کیے جانے والے ترقیاتی منصوبوں سے متعلق آگاہ کرتے ہوئے بتایا کہ صوبے میں صحت اور سماجی بہبود کی خدمات کو عوامی ضروریات سے ہم آہنگ کرنے کے لئے اقدامات اٹھائے جاررہے ہیں۔ سندھ کے طرز پر پبلک پرائیویٹ پارٹنر شپ کے تحت طبی اداروں کی فعالیت کے لئے حکومت بلوچستان کے افسران نے سندھ کا دورہ کرکے جائزہ رپورٹ اور جامع سفارشات مرتب کی ہیں ۔صوبائی بجٹ میں قابل عمل منظور شدہ ترقیاتی منصوبوں کو شامل کیا گیا ہے تاکہ دستیاب وسائل کو عوام کی بہبود پر خرچ کیا جاسکے۔صوبائی حکومت تمام تر فیصلے عوامی مفاد کو مدنظر رکھتے ہوئے کر رہی ہے اور حکومت کی یہی کوشش ہے کہ ان ترقیاتی منصوبوں کے ثمرات ایک عام بلوچستانی تک پہنچ سکیں۔ وزیر اعلیٰ بلوچستان نے وفاقی ترقیاتی پروگرام میں مفاد عامہ سے متعلق بلوچستان کے جاری ترقیاتی منصوبوں کی شمولیت برقرار رکھنے کے لئے معاونت پر صدر مملکت کا شکریہ ادا کرتے ہوئے کہا کہ بلوچستان کے لوگوں سے دلی محبت اور صوبے کی ترقی کے لئے آپ کی کاوشوں کو خراج تحسین پیش کرتے ہیں۔ اس موقع پر صدر مملکت آصف علی زرداری نے کہا ہے بلوچستان کو ترقی کے دھارے میں لانے کے لئے پہلے بھی خلوص دل سے کام کیا ہے اور آئندہ بھی کریں گے بلوچستان ہمارے دل کے قریب ہے خواہش ہے کہ بلوچستان ترقی کے عمل میں آگے بڑھے اور عام آدمی کا معیار زندگی بلند ہو۔
لندن چونکہ صدر ڈونلڈ ٹرمپ کے ٹیرف امریکی معیشت کے لیے خطرہ بن رہے ہیں، اس بات پر سوال اٹھائے جا رہے ہیں کہ...
فرینکفرٹ لاگارڈ کا کہنا ہے کہ ٹیرف ہلچل کے دوران یورپی مرکزی بینک کو ’چابکدست‘ ہونا چاہیے۔ تفصیلات کے مطابق...
واشنگٹن امریکی صدر ڈونلڈ ٹرمپ نے شرح سود کم نہ کرنے پر سینٹرل ریزرو کے چیئرمین جیروم پاول کو اپنی تنقید کا...
ماسکو روس کی سپریم کورٹ نے جمعرات کے روز طالبان کا نام "دہشت گرد تنظیم" کی فہرست سے ہٹا دیا، یہ افغانستان کے ڈی...
واشنگٹن امریکا بھر کے 130 سے زائد بین الاقوامی طلباء نے ایک وفاقی مقدمے میں شمولیت اختیار کی ہے جس میں ٹرمپ...
اسلام آ باد وفاقی بیوروکریسی میں تقرر و تبادلے، عثمان سروش علوی کوجوائنٹ سیکریٹری نیشنل سیکیورٹی ڈویژن اور...
کراچی غزہ پر اسرائیلی حملے میں اپنے دونوں بازو کھو دینے والے 9 سالہ فلسطینی بچے کی دل دہلا دینے والی تصویر کو...
ماسکو روس کے اعلیٰ اقتصادی مذاکرات کار نے کہا ہے کہ مخصوص ممالک ماسکو کے امریکا کے ساتھ مذاکرات کو "پٹڑی سے...