سکیورٹی خدشات ‘ناروے کا شہریوں کو فوری طور پر لبنان چھوڑنے کی ہدایت

اوسلو (اے پی پی) ناروے کی حکومت نے خطے مین بڑھتی ہوئی کشیدگی کے باعث سکیورٹی خدشات کی بناء پر لبنان میں مقیم اپنے شہریوں کوفوری طور پر ملک چھوڑنے کی ہدایت کی ہے۔ شنہوا کے مطابق ناروے کے وزیر خارجہ ایسپن بارتھ ایڈی نے گزشتہ رات کو جاری پریس ریلیز میں کہا کہ لبنان میں سکیورٹی کی صورتحال سنگین ہے اور تیزی سے مزید خراب ہو سکتی ہے اس لئے کسی بھی وقت لبنان سے باہر سفر کرنے کے مواقع ختم ہو سکتے ہیں۔ انہوں نے کہا کہ اگر بیروت کا ہوائی اڈہ بند ہو جاتا ہے تو لبنان سے نکلنا بہت مشکل ہو جائے گا۔ ایسی صورت حال میں وزارت خارجہ کے پاس ناروے کے شہریوں کی مدد کے بہت کم مواقع ہوں گے اس لئے ہم نے لبنان میں مقیم اپنے شہریوں کو ہدایت کرتے ہیں کہ وہ ملک سے نکل جائیں۔