وزیراعلیٰ مریم کا حکم،پنجاب میں نادارقیدیوں کو مفت قانونی امداد فراہم،سٹوڈنٹس بائیک پراجیکٹ بھی باضابطہ شروع

لاہور(جنرل رپورٹر) وزیرِ اعلیٰ پنجاب مریم نواز شریف کی ہدایت پہ پنجاب بھر کی جیلوں میں نادار قیدیوں کو مفت لیگل ایڈ فراہم کر دی گئی جبکہ طلبہ کے لئے ای اور پٹرول بائیکس کی فراہمی کے لئے اقدامات کا آغاز کردیا گیا۔ وزیر اعلیٰ نے کہا ہے کہ اب کوئی غریب قیدی وکیل کی سہولت سے محروم نہیں رہے گا۔ محکمہ داخلہ پنجاب نے صوبہ کی تمام 43 جیلوں میں فری لیگل ایڈ کمیٹیاں قائم کر د یں نادار اسیران جو وکیل کا انتظام نہیں کر سکتے وہ اپنے متعلقہ سپرنٹنڈنٹ جیل کو درخواست دیں گے جنہیں وکلاء سے ملوایا جائے گا۔ 447 وکلاء کو کمیٹیوں میں شامل کیا گیا ہے۔ لاہور ڈویژن میں 45 وکلاء، گوجرانولہ ڈویژن میں 90، راولپنڈی میں 70 وکلاء، فیصل آباد ڈویژن میں 47، ملتان میں 45، سرگودھا میں 24 وکلاء،بہاولپور ڈویژن 55، ساہیوال میں 55 اور ڈی جی خان میں 16 وکلاء کمیٹی میں شامل ہیں،علاوہ ازیں تاریخ میں پہلی مرتبہ چیف منسٹر یوتھ انیشیٹو کے تحت طلبہ کے لئے ای اور پٹرول بائیکس کی فراہمی کے لئے اقدامات کا آغاز کردیا گیا،وزیر اعلیٰ مریم نواز نے ای بائیک پراجیکٹ میں قسط کم از کم مقرر کرنے کی ہدایت کی ،والدین کے سایہ سے محروم طلبہ کے لئے ای بائیک سکیم میں والدین کی گارنٹی کی شرط ختم کر دی۔انھوں نے کہا پنجاب کو بھی دنیا کی طرح الیکٹرک ٹرانسپورٹ پر منتقل کرنا چاہتے ہیں۔، چارجنگ کے لیے سولر ائزڈ چارجنگ سٹیشن بنائیں گے۔ طلبہ کے لئے ای بائیک کی بیٹری کی انشورنس اور وارنٹی بھی دی گئی ۔وزیر اعلیٰ مریم نواز شریف نے پیرس اولمپکس نیزہ بازی فائنل مقابلہ میں پہنچنے پر ارشد ندیم کو مبارکباددی ، نیک خواہشات کا اظہارکیاہے۔