قومی بچت اسکیموں پر شرح منافع میں ڈیڑھ فیصد کمی ،19فیصد مقرر

لاہور (نمائندہ جنگ)حکومت نے قومی بچت اسکیموں کی شرحِ منافع میں تبدیلی کر دی۔قومی بچت کے سیونگ اکائونٹ پر شرحِ منافع 150 بیسز پوائنٹس کم کر کے 19 فیصد کر دی گئی۔شارٹ ٹرم سیونگ سرٹیفکیٹ پر شرح منافع 134 بیسز پوائنٹس کم کرکے 17.90 فیصد کر دی گئی جبکہ سروا اسلامک سیونگ اکاونٹس پر شرح منافع ڈیڑھ فیصد کمی سے 19 فیصد مقرر کر دی گئی تاہم دیگر تمام اسکیموں پر شرح منافع برقرار رکھی گئی ہے۔اعلامیے میں کہا گیا ہے کہ قومی بچت کی دیگر اسکیمز کا منافع برقرار رکھا گیا ہے۔ماہرین نے کہا کہ شرح منافع میں کمی آئندہ مانیٹری پالیسی میں شرح سود مزید گرنے کااشارہ ہے۔