سخت کاروباری سال کے بعد رہن کی گرتی ہوئی شرح ہاؤسنگ کی طلب کو بڑھا رہی ہے، بیل وے

لندن (پی اے) سخت کاروباری سال کے بعد رہن کی گرتی ہوئی شرح ہاؤسنگ کی طلب کو بڑھا رہی ہے۔ ڈیولپر بیل وے نے کہا ہے کہ گرتی ہوئی رہن کی شرح، سست مہنگائی اور اجرت میں اضافے نے صارفین کا اعتماد بڑھانے اور گھر کی خریداری کو مزید سستا بنانے میں مدد کی ہے۔ فرم نے کہا کہ وہ پچھلے سال کے دوران فروخت کئے گئے گھروں کی تعداد میں 30فیصد کمی کے باوجود پراپرٹی مارکیٹ کے مستقبل کے بارے میں پر امید ہے۔ حالیہ مہینوں میں صارفین کی جانب سے مکان ڈھونڈنے اور نئے گھر کو محفوظ کرنے والے لوگوں کی حوصلہ افزا سطح دیکھی گئی ہے بیل وے کے چیف ایگزیکٹیو جیسن ہنی مین نے کہا کہ سال کے دوران صارفین کی مانگ نے رہن کی شرح سود میں اعتدال سے فائدہ اٹھایا ہے، جس سے مارکیٹ کی سست رفتاری کم کرنے میں مدد ملی ہے بینک آف انگلینڈ نے گزشتہ ہفتے بنیادی شرح سود کو 5.25فیصد سے کم کر کے 5فیصد کر دیا تھا لیکن قرض دہندگان پہلے ہی اس اقدام کو آگے بڑھانے والے ہفتوں میں شرحوں میں کمی کر رہے تھے۔ کئی ذیلی 4فیصد رہن کے سودے اس ہفتے مارکیٹ میں داخل ہوئے کیونکہ سستے قرضوں کی پیشکش کا مقابلہ گرم ہے۔ بیل وے نے کہا کہ اس کی فارورڈ آرڈر بک یعنی وہ جائیدادیں، جو آرڈر کی گئی ہیں لیکن ابھی خریدی نہیں گئی ہیں، گزشتہ سال کے اسی وقت کے مقابلے میں جولائی کے آخر میں نمایاں طور پر زیادہ تھیں۔ ان کی تعداد 4411 کے مقابلے میں 5144 میں گھر ہو گئی۔ حالیہ بہتری کے ساتھ اس اضافہ مارکیٹ کا مطلب ہے کہ فرم اگلے سال ترقی کی طرف واپس آنے کی توقع رکھتی ہے۔ بہرحال بیل وے گھر بنانے والوں میں شامل ہے جو کہ وسیع تر ہاؤسنگ مارکیٹ میں زیادہ سخت دور سے ابھر رہے ہیں۔ فرم نے جولائی کے آخر تک تقریباً 7650 گھروں کی فروخت مکمل کی، جو پچھلے سال کے 10945 سے 30 فیصد کم ہے۔ اس نے ہاؤسنگ سے 2.35 بلین پونڈز سے زیادہ کی آمدنی حاصل کی، جو پچھلے سال کی اس بار کی گئ 3.4 بلین پونڈز سے کم ہے۔ تاہم پرائیویٹ ریزرویشن کی شرح یعنی گھر کے لئے اپنے نام لکھوانے والے لوگوں کی تعداد اوسطاً 124 فی ہفتہ ہے، جو پچھلے سال کے مقابلے میں تقریباً 14 فیصد زیادہ ہے، جب مانگ میں کمی آنا شروع ہوئی تھی۔ بیل وے نے مزید بتایا کہ کہ گھر کی فروخت کی اوسط قیمت 310300 پونڈز سے قدرے کم ہو کر 308000 پونڈز ہو گئی ہے۔ اس نے برطانیہ بھر میں ہاؤس بلڈنگ کو کِک سٹارٹ کرنے کے لئے لیبر گورنمنٹ کی نئی منصوبہ بندی کی اصلاحات پر بھی روشنی ڈالی۔ فرم نے کہا کہ بیل وے کو ملک بھر میں نئے مکانات کی فراہمی میں نمایاں اضافے سے منصوبہ بندی کے نظام میں اصلاحات کے لئے حکومت کے منصوبوں سے حوصلہ افزائی کی گئی ہے اور ہم آنے والے مہینوں میں اس کی طویل مدتی ہاؤسنگ حکمت عملی کی اشاعت کے منتظر ہیں۔