پاکستان کے پہلے ٹائٹ گیس منصوبے سے پیداوار کا آغاز

اسلام آباد (این این آئی)اوجی ڈی سی ایل کی پاکستان میں پہلی ٹائٹ گیس کی پیداوار کا آغاز ہوگیا۔ ترجمان او جی ڈی سی ایل نے بتایاکہ نورویل ویسٹ1سجاول سے 1.5ملین مکعب فٹ یومیہ گیس حاصل کی جارہی ہے‘ڈرلنگ کے دوران ابتدائی جانچ کے نتائج مثبت نہیں تھے، تاہم پیداوار کو ممکن بنانے کیلئے ہائیڈرولک فریکچرنگ تکنیک استعمال کی گئی۔ انہوں نے کہا کہ گیس کو سوئی سدرن نیٹ ورک میں شامل کر دیا گیا ہے۔