سپریم کورٹ کا (ن) لیگی ارکان کی بحالی کا فیصلہ درست نہیں،بیرسٹر گوہر

اسلام آباد(ایجنسیاں) پی ٹی آئی نے تین لیگی امیدواروں کی کامیابی کے سپریم کورٹ کے فیصلے کیخلاف ریویو دائر کرنے کا فیصلہ کر لیا۔پاکستان تحریک انصاف کے رہنماؤں چیئرمین پی ٹی آئی بیرسٹرگوہر، شبلی فراز، رؤف حسن نے پریس کانفرنس کی، بیرسٹرگوہر نے کہا کہ الیکشن ٹریبونل میں پٹیشنیں پینڈنگ تھیں، یہ فیصلہ انصاف کے تقاضوں کےمنافی ہے، گنتی کی آڑمیں ہماری جیت کو شکست میں تبدیل کیا جارہا ہے۔بیرسٹرگوہرنے کہا کہ سپریم کورٹ کو چاہئے تھا کہ الیکشن کمیشن کے رول کو دیکھتی، ، اس فیصلے پر ہمیں شدید تحفظات ہیں، ایکسٹینشن کی آڑمیں ایسا کرنے والوں کو بنگلادیش سے سبق سیکھنا چاہئے۔ انشااللہ خلق خدا بولے گی، تحریک انصاف کیخلاف سازشیں کرنے والے سارے ناکام ہوں گے، ہمارا مطالبہ ہے اگلےچیف جسٹس کا نوٹیفکیشن جاری کیا جائے۔