ثانیہ زہرہ کیس، فرانزک رپورٹ میں خودکشی کی تردید، شوہر اور ساس پر شبہ

ملتان (سٹاف رپورٹر) ثانیہ زہرہ کیس ، فرانزک سائنس ایجنسی کی خودکشی کی تردید،شوہر اور ساس پر شبہ۔تفصیل کے مطابق ابوالفضل امام بارگاہ کے متولی سید اسد عباس شاہ کی بیٹی ثانیہ زہرہ جس کے بارے میں سسرالیوں نے کہا تھا کہ ثانیہ زہرہ نے خودکشی کرلی ، اعلیٰ سطح انکوائری کی گئی تو معاملہ کچھ اور ثابت ہوا، اس حوالے سے پنجاب فرانزک سائنس ایجنسی نے ثانیہ زہرہ کی خودکشی کی تردید کردی،سی پی او ملتان کے مطابق پنجاب فرانزک سائنس ایجنسی نے تمام ٹیسٹ رپورٹس جمع کرادی جس میں تصدیق کی گئی ہےکہ ثانیہ کی خودکشی کےکوئی شواہدنہیں ملے جب کہ تمام ٹیسٹ اور تحقیقات ظاہرکرتی ہیں کہ یہ خودکشی کاواقعہ نہیں فارنزک رپورٹ کے مطابق ثانیہ کی گردن میں نہ سوجن تھی اور نہ ہی پھندہ لگنےسے لمبی ہوئی، پھندےکےلیے استعمال دوپٹے پر ثانیہ کے شوہر اور ساس کا ڈی این اے میچ ہوگیا جب کہ ثانیہ کے ناخن سے ملنے والے سیمپل کا ڈی این اے بھی شوہر سے میچ کرگیارپورٹ میں بتایا گیا ہےکہ ثانیہ کےگلے میں موجود دوپٹہ موت کی وجہ نہیں بنا،گردن اورکندھے پر موجود زخم کا نشان دوپٹےکا نہیں ہے صوبائی وزیر اطلاعات عظمیٰ بخاری نے کہا ہے کہ ثانیہ زہرہ کے قتل کو خودکشی کا رنگ دیا گیا۔