بلاول بھٹو سے امریکی سفیر ڈونلڈ بلوم کی ملاقات

کراچی ( اسٹاف رپورٹر) پاکستان پیپلزپارٹی کے چیئرمین بلاول بھٹو زرداری سے پاکستان میں امریکی سفیر ڈونلڈ بلوم نے ملاقات کی ہے۔ میڈیا سیل بلاول ہاوَس سے جاری کردہ پریس رلیز کے مطابق پیر کو بلاول ہاوس میں ہونے والی اس ملاقات میں پی پی پی چیئرمین اور امریکی سفیر نے باہمی دلچسپی سمیت دوطرفہ تعلقات کے فروغ پر بات چیت کی۔ ملاقات کے دوران کراچی میں امریکی قونصل خانہ سے منسلک سیاسی و معاشی امور کی سربراہ شیلی سیکسن اور پالیٹکل آفیسر جیرڈ ہینسن بھی موجود تھے۔