بوریوالا،غیرت کے نام پر جواں سالہ لڑکی قتل

بوریوالا(نامہ نگار)غیرت کے نام پر جواں سالہ لڑکی کو قتل کر دیا گیا ، خلیل الرحمان سب انسپکٹر تھانہ صدر بوریوالا نے اپنی مدعیت میں درج کیے گئے مقدمہ میں موقف اختیار کیا کہ پل نہر 457ای بی بورے والا پر دیگر اہلکاروں کے ہمراہ موجود تھا کہ 15 پر اطلاع ملی کہ باپ نے دیگر ملزمان کے ساتھ مل کر اپنی بیٹی کو قتل کر دیا ہے، نواحی گاوں 457 ای بی جائے وقوعہ پر پہنچا تو 22 سالہ علشبہ کی نعش چارپائی پر پڑی ہوئی تھی دوران جانچ پڑتال معلوم ہوا کہ مقتولہ اپنے خاندان کے ہمراہ فیصل آباد شادی پر گئی تھی ایک یوم قبل ہی واپس آئی تھی خاندان والوں کو اس کے کردار پر شک تھا جس کی بنیاد پر مقتولہ کے والد رزاق حسین نے اپنے بھائی اشفاق حسین اور بیٹے حسیب رزاق سے باہم صلاح مشورہ ہو کر اسے تشدد کا نشانہ بنا کر اور گلہ میں رسی ڈال کر قتل کر دیا ، ملزمان کے خلاف قتل و دیگر دفعات کے تحت مقدمہ درج کر لیا گیا۔