ایم ڈی اے کیلئے 5ارب 54 کروڑ کے بجٹ کی منظوری

ملتان (سٹاف رپورٹر) ایم ڈی اے کے95 ویں گورننگ باڈی کا اجلاس ڈپٹی کمشنر وسیم حامد سندھو کی صدارت میں ہوا۔اجلاس میں سپیشل سیکرٹری ہاؤسنگ اینڈ اربن پلاننگ وڈائریکٹر جنرل ایم ڈی اے رانا سلیم احمد خان،نمائندہ سیکرٹری ہاؤسنگ سرفراز الحق،نمائندہ اکاؤنٹس اینڈفنانس ارشادحسین ڈی اے او ۔II ،نمائندہ لوکل گورنمنٹ مسرت بی بی،نمائندہ پلاننگ اینڈ ڈویلپمنٹ ڈیپارٹمنٹ محمد عثمان پلاننگ آفیسر،منیجنگ ڈائریکٹر واساخالد رضا، ایڈیشنل ڈائریکٹر جنرل /ڈائریکٹر اسٹیٹ اینڈ لینڈ مینجمنٹ میڈم قراۃ العین وزیر،ڈائریکٹر فنانس اینڈ ایڈمنسٹریشن ایم ڈی اے شاکر عباس بزدار سمیت دیگر افسران شریک ہوئے۔ اجلاس میں ایم ڈی اے میں ایم ڈی اے کے مالی سال 2024-25 کے 5ارب 54 کروڑ( 5540.868ملین )روپے کے بجٹ کی منظوری دی گئی۔ایم ڈی اے کے بجٹ میں مالی سال 2024-25 کے لئے غیر ترقیاتی اخراجات کی مد میں 1389.568ملین مختص کرنے جبکہ ایم ڈی اے کی ذاتی سکیموں کے ترقیاتی اخراجات کیلئے 1244.472ملین رکھے گئے ہیں۔ گورنمنٹ فنڈڈ سکیم کے لئے 906.828ملین مختص کئے گئے۔اجلاس میں گورنمنٹ آف پنجاب کی طرف سے ملازمین کی تنخواہوں اور پنشن میں اضافہ کے نوٹیفکیشن کو ایم ڈی اے میں لاگو کرنے کی بھی منظوری لی گئی۔