کمشنر،ڈپٹی کمشنر دفاتر پر فنانس ایکٹ کیخلاف احتجاجی بینر آویزاں کرینگے،ڈسٹرکٹ بار

ملتان( سٹاف رپورٹر)ڈسٹرکٹ بار ایسوسی ایشن ملتان کے زیر اہتمام فنانس ایکٹ بل 1870میں کورٹ فیس میں اضافہ کے خلاف احتجاجی جنرل باڈی اجلاس ، متفقہ طور پر منظور کی گئی قراردادوں کے مطابق کہا کہ حکومت پنجاب کے نمائندوں ڈپٹی کمشنر اور کمشنر کے دفاتر کے باہر فنانس ایکٹ بل کے خلاف احتجاجی بینرز آویزاں کئے جائیں گے ۔15اگست سے روزانہ کی بنیاد پر ڈسٹرکٹ بار ہال میں احتجاجی اجلاس اور چوک کچہری تک ریلی منعقد کی جائے گی 22 اگست کے بعد ڈسٹرکٹ بار ملتان سے وکلاءکا قافلہ لاہور پنجاب اسمبلی کا رخ کرے گا اور پنجاب اسمبلی کا گھیراؤ اور دھرنا دیا جائے گا ۔اجلاس کے اختتام پر ڈی سی آفس کے سامنے احتجاجی مظاہرہ کیا گیا ۔