ایم این ایس زرعی یونیورسٹی میں جاپانی زبان کے مہارت ٹیسٹ کیلئے سیشن

ملتان(سٹاف رپورٹر)ایم این ایس زرعی یونیورسٹی نے یمنہ اوورسیز ایمپلائمنٹ پروموٹرز ملتان کے ساتھ مل کر این 5 کلیئر کرنے والے طلباء کے لئے سیشن کا انعقاد کیا۔جس کا بنیادی مقصد ان طلباء کو متحرک کرنا تھا جنہوں نے جاپانی زبان کے مہارت ٹیسٹ (JLPT) کے این 5 لیول کو کامیابی سے کلیئر کیا ہے، جس میں یونیورسٹی کی جانب سے طلباء کو ضروری عالمی مہارتوں اور ثقافتی روابط کو فروغ دینے کے عزم کو اجاگر کیا گیا۔اس موقع پر وائس چانسلر پروفیسر ڈاکٹر اشتیاق احمد رجوانہ نے کہا کہ چینی زبان کے موجودہ کورسز کے ساتھ ساتھ، ہم جاپانی زبان اور ثقافت کے کورس کو متعارف کرانے پر فخر محسوس کرتے ہیں۔اس کے بعد، پروفیسر ڈاکٹر شفقت سعید، ڈین کلیہ زراعت نے جاپانی زبان اور ثقافت کے کورس کی ترقی کے بارے میں تفصیلات فراہم کیں ۔